Па добрай традыцыі ў пачатку года ў ААТ “МАПІД” падвялі вынікі агляду-конкурсу “Лідар года” на лепшую пастаноўку работы з моладдзю ў структурных падраздзяленнях. Арганізатарам конкурсу на працягу многіх гадоў выступае Савет па працы з моладдзю прадпрыемства пры падтрымцы адміністрацыі і прафкама. Мэты ставяцца высакародныя – развіццё ў МАПІДзе маладзёжнага руху і павышэнне значнасці лідэрства, выяўленне актывістаў сярод працуючай моладзі і кандыдатаў на залічэнне ў кадравы рэзерв прадпрыемства.
Які ён сёння – маладзёжны лідар? Адказны, крэатыўны, ініцыятыўны і неабыякавы, генератар ідэй, чалавек, здольны прымаць аператыўныя рашэнні і весці за сабой моладзь. І такіх у МАПІДзе нямала. Адміністрацыя прадпрыемства стварае ўсе ўмовы для самарэалізацыі і творчага развіцця маладых работнікаў, заняткаў спортам і правядзення вольнага часу, кар'ернага росту. Моладзь МАПІДа прыводзяць у прыклад, таму што яна заўсёды на крок наперадзе. Актыўна ўдзельнічае ў культурна-масавых мерапрыемствах, раённых, гарадскіх і рэспубліканскіх спартакіядах, дабрачынных акцыях, ідэалагічных чэленджэрах, працоўных дэсантах і інш.
Больш за 60 маладзёжных лідараў, актывістаў БРСМ, лепшых маладых работнікаў, якія нядаўна прыйшлі на працу ў МАПІД, але ўжо праявілі сябе, а таксама спартсменаў і энтузіястаў прафсаюзнага руху ўзнагародзілі па выніках 2023 года.
Аб высокім узроўні маладзёжнай палітыкі ў ААТ “МАПІД” гаворыць і той факт, што па выніках 2023 года МАПІД заняў першае месца ў конкурсе на лепшую арганізацыю работы з моладдзю сярод прадпрыемстваў і арганізацый Фрунзенскага раёна.
"Вядома ж, мерапрыемствы мы праводзім не дзеля прызавых месцаў, а для таго, каб моладзь згуртавалася, каб у нас сфарміраваліся правільныя каштоўнасці, і мы выступалі адной камандай не толькі на спаборніцтвах, але і былі адзіным цэлым у працоўнай дзейнасці, – сказаў, узнагароджваючы маладзёжных лідараў, намеснік генеральнага дырэктара ААТ “МАПІД” па працы з персаналам, сацыяльнай і ідэалагічнай рабоце Сяргей Малашук. – Вы – будучыня МАПІДа. Дзякуй, што сваёй працай, сваёй актыўнасцю ствараеце пазітыўны вобраз нашага прадпрыемства і ўмацоўваеце яго імідж».
